ITWARE -II-

ကျွန်တော်လည်းဘလော့နဲ့ အဆက်အသွယ်ပျက်နေတာ တော်တော်ကြာသွားပြီ။ အဲ့ဒိတော့ အားလုံးအတွက်အကျိုးရှိစေမယ့် ပိုစ့်လေးရေးသားလိုက်ပါတယ်။ ခေါင်းစဉ်ကအတိုင်းပဲ ကျွန်တော်ဒီနေ့ ကွန်ပျူတာကို မြန်စေမည့် နည်းလမ်းအချို့ကိုဖော်ပြပေးသွားပါ့မယ်။ ကျွန်တော်ကိုယ်တိုင်လည်း စမ်းကြည့်ပြီးသားဖြစ်တာကြောင့် တကယ့်နည်းလမ်းကောင်းလေးလို့ ပြောချင်ပါတယ်။ ဘာဆော့ဝဲလ်မှမလိုဘူးနော်။


အဓိက ကတော့ Hard disk ပေါ့။ ကျွန်တော်တို့ Windows အသစ်တင်ပြီးရင် ကွန်ပျူတာက သိသိသာသာကိုမြန်လာပါတယ်။ နောက်တော့ ဆော့ဝဲလ်တွေသွင်းဂိမ်းတွေသွင်း ... ဖိုင်ဒေါင်းလော့လုပ်နဲ့ ဗိုင်းရပ်တွေပါ ပါလာရော။ ဆော့ဝဲလ်တွေသွင်တဲ့အခါ Hard disk ထဲက ဖိုင်သိမ်းတဲ့အဝိုင်းပြားထဲမှာ နေရာအစဉ်အလိုက်မရှိပဲမှတ်သားထားပါတယ်။ တော်ရုံတော့ဘာမှမဖြစ်ပေမယ့် ဖိုင်တွေများလာတဲ့အခါ ...ဥပမာ ကျွန်တော်တို့ ဖိုင်တစ်ခုဖွင့်လိုက်မယ်ဆိုရင် အရင်လိုမဟုတ်ပဲ နည်းနည်းကြာလာပါတယ်။ နောက် Windows အတက်နှေးတာတွေ စသဖြင့်ပေါ့ ..အသုံးပြုရတာလေးတိလေးလန်ကြီးဖြစ်လာပါတယ်။ လူတိုင်း ကွန်ပျူတာအသုံးပြုရတာလေးနေတယ်ဆို ဘယ်ကြိုက်ပါ့မလဲ ... လွယ်တော့မလွယ်ဘူး..စိတ်ရှည်ရတာပေါ့။ :P

ပထမဆုံး Windows အင်စတောလုပ်ထားတဲ့ Disk C: လေးကိုသန့်ရှင်းပေးရမှာပေါ့။ Windows key နဲ့ R ကိုပြိုင်တူနှိပ်ပြီး Run box ကိုဖွင့်ပါ။ cleanmgr လို့ရိုက်ထည့်ပေးပြီး Enter နှိပ်ပါ။ C: ကိုရွေးပြီးတော့ OK ကိုကလစ်ပါ။ Clean up system files ကိုထပ်ပြီးနှိပ်ပါ။ OK ပေးပြီးခဏစောင့်ပါ။ Thumbnails မှလွဲပြီးအားလုံးကိုအမှန်ခြစ်ခြစ်ပေးပြီး OK နှိပ်လို့ရပါပြီ။ ရှင်းရမယ့်ဖိုင်တွေ များရင်များသလို ကြာပါလိမ့်မယ်။ Thumbnails ဘာလို့မဖျက်လဲဆိုတော့သင့်ကွန်ပျူတာထဲမှာ ဓါတ်ပုံတွေရှိတယ်ဆိုရင် ပထအခေါက်ဖွင့်တဲ့ပုံပေါ်တာလေးတွေနှေးနေပါလိမ့်မယ်။နောက် Thumbnails ထဲမှာယာယီမှတ်သားထားပြီး နောက်တစ်ကြိမ်ပြန်ဖွင့်ရင် ပထမအကြိမ်ထက်မြန်ဆန်မှာပါ။ ခုနကဖျက်တဲ့ထဲမှာ Thumbnails ကိုဖျက်မိလည်းဘာမှမဖြစ်ပါဘူး။

ဒုတိယအနေနဲ့ Disk ကို Defragment လုပ်ခြင်းပါ။ Windows မှာ auto ပါပြီးသားဖြစ်လို့ သီးခြားဆော့ဝဲလ် သုံးဖို့မလိုပါဘူး။
Disk Defragment လုပ်တာက ကျွန်တော်အပေါ်မှာပြောခဲ့သလိုပဲ Hard disk ထဲမှာ နေရာအစဉ်အလိုက်မရှိပဲ ရှုပ်ပွနေတာကို အစီစဉ်တကျပြန်လုပ်ပေးမှာဖြစ်ပါတယ်။ ဒါဆို Hard disk ထဲမှာ ရှုပ်ပွမနေတော့ပဲ လုပ်ဆောင်ချက်တွေသိသိသာသာမြန်လာမှာပါ။ တစ်လကိုတစ်ကြိမ်လောက်လုပ်ပေးရင် အစဉ်ပြေပါတယ်။ Start > All Programs > Accessories > System Tools ထဲကိုသွားပြီး Disk Defragmenter ကိုနှိပ်ပြီးဖွင့်ပါ။ Analyze Disk ရယ် Defragment Disk ဆိုပြီး Button နှစ်ခုရှိပါတယ်။ လေးထောင့်ကွက်ထဲက Disk အားလုံးကို (C:, D:, E: စသဖြင့်ပေါ့) Select လုပ်ပြီး Analyze အရင်လုပ်ပါ။ Analyze လုပ်ပြီးရင်တော့ Defragment လုပ်ပါ။ အနည်းငယ်ကြာပါလိမ့်မယ်။

နောက်ဆုံးတစ်ခုအနေနဲ့ကတော့ ဗိုင်းရပ်ပေါ့။ ကျွန်တော်ကတော့ virus ဆော့ဝဲလ်တွေသွင်းဖို့အားမပေးချင်ပါဘူး..သာမန်အသုံးပြုသူတွေအတွက်ဆိုရင်ပေါ့။ Windows Defender ဗိုင်းရပ်ဆော့ဝဲလ်က သင့်ကွန်ပျူတာမှာရှိပြီးသားပါ။ Windows အတွက် Microsoft က free ပေးထားတဲ့ security ဆော့ဝဲလ်ပါ။
ဒါပေမယ့် Virus Definition ကိုတော့ Update လုပ်ပေးဖို့တော့မမေ့ပါနဲ့။ Update လုပ်ဖို့တော့ Windows Defender ကနေ Update လုပ်လို့ရသလို Microsoft ဝက်ဆိုဒ်ကနေလည်း ဒေါင်းလော့လုပ်ယူနိုင်ပါတယ်။ သင့်ကွန်ပျူတာထဲမှာ ဘာ Antivirus ဆော့ဝဲလ်မှမသွင်းရသေးဘူးဆိုရင်တော့ Windows Defender ပဲသုံးပါ။ Virus Definition ကို Update လုပ်ပါ။ Update လုပ်ပြီးရင်တော့ Full Scan နဲ့ ဗိုင်းရပ်စစ်ပါ။ Hard disk ထဲမှာ ဖိုင်တွေများရင် များသလိုကြာပါလိမ့်မယ်။ ဗိုင်းရပ်စစ်ပြီးလို့ Virus သတ်တဲ့အခါမှာလည်းအနည်းငယ်ကြာပါလိမ့်မယ်။ ဒီအဆင့်သုံးဆင့်လုံးကို တစ်ဆင့်ချင်းစီလုပ်ပြီး Restart ချပေးပါ။ သင့်ကွန်ပျူတာ သိသိသာသာမြန်လာပါလိမ့်မယ်။

တစ်လက်စတည်း ဆော့ဝဲလ်လေးတစ်ခုလောက်ညွှန်းချင်ပါတယ်။ CCleaner ဆိုတာလေးပါ။ သူ့က Registry Error တွေကိုပြုပြင်ပေးပါတယ်။ အဲ့ဒါလေးပါသုံးရင်တော့ အတိုင်းထက်အလွန်ပေါ့။ ဖိုင်ဆိုဒ်လည်းသေးတယ်။ ပေါ့လည်းပေါ့ပါးတယ်။ ကျွန်တော် ဘလော့မှာတင်ပြီးသားဖြစ်ပါတယ်။ ဒီမှာ သွားရောက်ဖတ်ရှုနိုင်ပါတယ်။

 ကျွန်တော်လည်းလေ့လာနေသူတစ်ဦးမို့ အမှားပါခဲ့ရင်ခွင့်လွှတ်ပါခင်ဗျာ ... ITWARE -II-